可以瞓到「自然醒」相信係每個上班族嘅夢想，但原來「自然醒」未必要等週末或假期先可以實現，仲可以靠訓練大腦！
有日本學者針對「自然醒」進行一項實驗，指出人體可以無意識計算睡眠時間。如對大腦下達起床時間嘅指令，例如睡前不斷提醒大腦「起床時間」或「所需睡眠時長」，大腦會判斷時機，開始準備令身體清醒嘅「動作反應」 - 稱為「自然醒」。
學者表示剛開始訓練大腦時，可先將鬧鐘設定比「起床時間」遲約 10 分鐘當輔助，實驗結果亦顯示呢個方法成功率達 82%！大家都不妨嘗試讓大腦訓練「自然醒」，可以減少賴床機會，提升工作效率添！